AF222a: 35r

baş aġrısı‑çün siyāh turbuñ ṣuyın alub muḥkem terāşdan ṣoñra başa süre nāfiʿdür // fāʾide // bėli düşen kişi beş dirhem Türkī zift ve beş dirhem zencebīli // dögüb elekden geçüre ve iki dāne yumurda ṣarusıyla qarışdura // tā kim merhem gibi ola baʿdehū üstübi veyā penbe üzerine ṣıvayub // çatı yėrine yapışdura ne zamānda yapışdurursa yarın ol‑zamānda // qopara şifādur bi‑iẕni llāhi taʿālā

fāʾide // kebūter qırmızı gügercinüñ tersi sidügi // ṭutılana içürilse defʿ fetḥ ola

fāʾide // bir kişinüñ bedeninde // ... zaḥmeti veyā şişi olsa aq qarpuzı // qalaylı tebsiye qoyub ekmek fırınına ṣala tamām pişüre // bir miqdār ṣoʾudub zaḥmeti olan yėre süre şifā bula

fāʾide // şarāb ṭobraġı m 3 // nüşādır m 3 ṭuz 3 şirke 3 // gümiş varaqa mecmūʿını dögüb // sirke içine qoyub ḫalṭ ėde bir gün // ṭura baʿdehū aqçeyi ballūṭ küli‑yle yuyub // ʿamel eyleyeler

fāʾide // ṣarplanan ʿavrete gügerçin tersini tütsi ėdeler // tīzcek ḫalāṣ ola ve āteş yanıġına kemügin yaqub // külin ekleseler oñılda alaca qabdan ṣıvarılsa // yavrıları alaca ola fāʾide // defʿ‑i ishāl içün yumurdayı keskin sirke ile bişürüb // ekl ėde bi‑fażli llāhi taʿālā defʿ ola fāʾide // defʿ‑i qabż içün mücerrebdür keçi qılı bir miqdār bir miqdār // Eflāq ṭuzı bir miqdār ʿasele qıvām vėrile ve fitīl // olub maqʿada vażʿ olına

fāʾide // ısırġan yapraġı ve incir yapraġı qızıl [?] aqçeye sürilse aʿlā beyāż // ėdüb ḫarclana fāʾide // oñulmayan at yaġırına qızılcıq aġacı yapraġın dögüb üzerine uralar // bi‑iẕni llāhi taʿālā her ne qadar yaġır ise ṣaġıla ʿAlī Qoca sulṭān dedesi ḥācı dededen // naql olındı

at yaġırı içün // zāc qabasın ṣarb sirke ile bir çölmege qoyub // aġzın ḫamīrleyüb muḥkem qaynada tā kim zāc ḥall olub // sirke zāyil ola baʿdehū çölmek āteşden çıqarub ol // zācı kefk taşı gibi olur anı ḫardal gibi ḫurde dögüb // yaġır üzerine eke tīzcek oñdura

fāʾide // at yata [?] olsa bal gümecin ve köstebek qazduġı tobraġı // alub ikişer avuc ala ve bir miqdār ısıdup üzerine // uralar defʿ ola bi‑iẕni llāhi